11 mars 2016 – Sot u zhvillua tryeza e parë e dialogut me përfaqësuesit e lartë të partive më të mëdha politike. Pas përgatitjeve disa mujore, përfaqësuesit e LDK-së, PDK-së, AAK-së dhe NISMA-s u pajtuan të ulen së bashku dhe ta fillojnë një dialog politik mes qeverisë dhe opozitës. Vetëvendosja nuk mori pjesë.
Përgatitja dhe tryeza e rrumbullakët u mundësua nga Grupi për Ballkan dhe Instituti D4D; ai përfshinte muaj të konsultimeve dhe negociatave në formën e diplomacisë ecejake mes udhëheqësve të partisë që përfundoi me një tryezë të rrumbullakët ku të gjithë u ulën bashkë. Disa ambasadorë dhe Përfaqësuesi Special i BE-së u ftuan të merrnin pjesë në cilësinë e vëzhguesve.
Pjesëmarrësit e konsideruan ngjarjen si fillim që do ta ndihmonte rindërtimin e komunikimit, dialogut dhe konsensusit mes aktorëve politikë në Kosovë. Njëri prej tyre tha: “Nuk mund të ketë klimë të vërtetë të bashkëpunimit pa kulturë të konsensusit politik”. Nënkryetarët theksuan çështjet që kanë nevojë për dialog politik dhe bashkëpunim; reformën zgjedhore, rregulloren e punës së Kuvendit, marrëveshjen e demarkacionit me Malin e Zi, dialogun me Serbinë, komisionin ndërparlamentar për MSA-në dhe kodin penal.
U theksua nevoja për intensifikimin e dialogut dhe vendosjen e objektivave të qarta me afate të qarta për zgjidhjen e çështjeve të rëndësishme në interes të vendit!
